ياسلام على لهجة بلادي !!!

ياسلام على لهجة بلادي !!!

كاين وين في اللهجة نتاعنا نستعملو مصطلحات يدوخو ويحيرو
كيما

اقعد واقف ( مافهمتش نقعد ولا نوقف )
افونسي لاريار( سيرتو نتاع البيس )
لاغوب بلونش حمرا
عقلو مش في راسو فمو مش ليه (مالا نتاع الجيران)
اطلق راسك
واشبيك تاكل في روحك( هههه راهو جيعان)
مادموزال شدي وليدك
اجبد روحك
سكنلي في راسي
ولي ما فهمتهاش كلمة دبر راسك كيفاش جات مانيش عارفة

ولي تزيد الطين بلة انو كلامنا غير عنف وقسوة قتيل وضرب
ضربني الريح
طاح عليا الهوا
ضربو سلك
طاح الليل
كسر راسك
نضربها بتحوسة نضربها برقدة نضربها حطة .....
قتلي الضحك قتلني الجوع قلني الخوف ...
والقائمة طويلة ..........

ومانلومش الناس الاخرى كي مايفهموناش "والله حيرنا العالم "
ولوكان نجيبو ديكسيونار طويل عريض باش نشرحو اللهجة نتاعنا مايكفيش
والله عقلية dz ماكانش كيفها

وفي الاخير اليكم الخط
ربما عندكم كلمات جدد أو إضافات أخرى

هههههههههههههههه ايه هذوا هما الجزائرين عندهم دايما حاجة خاصة بيهم تميزهم على باقى شعوب العالم ههههههه و تصدقى حاجة ختى امة الله حتى انا راهو ضرابنى ريح ههههههههه ههه ما تنسايش بى انا فانى جزائرية هههههههههه

]لازم ختي ولا كيفاش يعرفو بلي الجزاير بلاد الرجال لازم العنف

العنف ليس دلالة على الرجولة
والحمد لله نحن لا نعرف العنف ولا يمثلنا من هو عنيف
عن أبي هريرة رضي الله عنه أن رسول الله صلى الله عليه وسلم قال '' ليس الشديد بالصرعة ، إنما الشديد الذي يملك نفسه عند الغضب ''