نصائح قبل وبعد قلع ( خلع ) السن

أولا لازم نعرفو أن هدف طبيب الأسنان الرئيسي هو المحافظة على السن الطبيعي وعلاجه وأخذ جميع الاحتياطات لإنقاذه، لأن فقدان أحد الأسنان يقود إلى خلق مشاكل كبيرة في الصحة الفموية والمظهر الجمالي، ولكن كاين حالات حسب طبيعة السن يلجأ الطبيب فيها إلى قلعه ..

أهم أسباب قلع الأسنان :
1- يكون كاين تسوس كبير
2- لتهابات اللثة
3- أسباب تقويمية مثل يكونو الأسنان متراكمين
5- وجود كسر كبير لهذاك السن ويمتد لتحت العظم أو الجذر.
6- الأسنان المنظمرة خصوصا ضرس العقل.

ماذا يجب أن نفعل قبل القلع؟
1- بعد التأكد من ضرورة قلع السن , من الأحسن أن تكون العملية في الفترة الصباحية وتجنب الفترات المسائية .
2- إذا وصف لك الطبيب مضادا حيويا يجب أخذه بانتظام ( يعني ماشي تشربو يوم ويوم ماتشربوش !)
3- يجب ان تأكل جيدا قبل الموعد ( يعني ماجيش كرشك فارغة ) , باش تقوي روحك , وأيضا لأنه بعد القلع مباشرة قد لن تكون قادرا على الأكل بسهولة حتى يذهب مفعول التخدير ويخف الألم.
4- احضر إلى العيادة بروح قوية ولاتخف.

بعدما المريض ينحي الضرس أو السن تاعو , كاين لي يعانو من ألم , وحجم الألم راه مختلف حسب الشخص والحالة
المصدر تاع الألم يقدر يكون عندو أكثر من سبب :
- يقدر يكون السن كان مريض بزاف
- أو عملية القلع تطلبت وقت كبير وكانت فيها صعوبة
- يقدر يكون بقا جزء من السن , أو وجود فتات لأجزاء صغيرة من العظم المحيط بالسن ( وهذا ليس بمشكل كبير كما يعتقد البعض , وحله يكون بالعودة إلى الطبيب )
- ويقدر يكون تهاون من المريض بعدما قلع السن تاعو , ورايح نحكيلكم على هاذ التهاون في ماذا يتمثل

واش لازم يدير المريض بعدما يقلع سن من الأسنان تاعو :

01- أولا ضع قطعة من الشاش أو القطن مكان الخلع واضغط عليها من أجل إيقاف النزيف .
- زيت الزيتون تعتبر مضاد التهاب طبيعي , كاين حالات تقدر تستعملها مع القطن ولي ماعندوش تحسس منها يحطها على مكان القلع ( نفس الشيء مع زيت القرنفل , أقول الزيت تاعو وليس القرنفل )
وهنا لازم نأكد أن القطنة لازم تكون نقية معقمة , واليد مغسولة مليح , يلا يدك موسخة والقطن ماشي معقمة تفادى هذا الأمر .
لأنو كاين ناس تلمس مكان الخلع بيديها هاكذاك , وبالتالي رايحة تزيد الطين بلة .

02- حاول التقليل من البصق , وابق فمك مغلقا

03- لا تمضمض فمك بالمياه مباشرة بعد القلع ( اصبر على الأكثر مدة يوم كامل ) , وإذا مضمضت حاول تمضمض حاجة خفيفة قيس الوضوء كمثال.
( ثم بعد مرور 24 ساعة قم بمضمضته بالماء الدافئ والملح مرتين في اليوم مدة أسبوع )

04- تجنب إصابة مكان السن المخلوع , واجعل الأكل في منطقة معاكسة له , وتجنب المأكولات لي تقدر تجرح ( على سبيل المثال هاذيك الجهة الخشنة تاع الخبز كاين لي تجرحهم ) , يلا قدرت تاكل المأكولات لي جاية على شكل حساء أو حاجة مطحونة رايح يكون أحسن

05- التدخين : الناس لي تدخن , رايح تضر المنطقة تاع القلع اذا دخنو هذاك اليوم ورايح تزيد الميكروبات فيها , فيجب تجنب ذلك

06- الإبتعاد عن تناول المأكولات والمشروبات الساخنة فهذا يزيد من تدفق الدم

07- يمكنك وضع كمادات من الثلج في حالة تورم مكان الخلع , قم بلفها بطرف من القماش وضعها في المكان الخارجي المقابل لمكان خلع السن لمدة دقيقة واحدة ثم ازلها

08- تجنب تناول الأسبيرين لأنو يقدر يزيد النزيف , و البديل هو الباراسيطامول يلا مكانش عندك حساسية منه ( ولكن بكمية لا تتعدى 03غ في اليوم للبالغ وليس على دفعة واحدة وماشي بشكل يومي , من الأحسن الطبيب يقولك حسب الحالة تاعك )

09- لتقليل الألم قد يصف لك الطبيب أيضا مضادات حيوية أو مضادات التهاب , عليك أخذها بانتظام ( ماتروحش تشري وحدك مضادات الالتهاب , الطبيب فقط هو لي يوصفهملك حسب الحالة تاعك )

10- أما عن غسل أسنانك , ففي اليوم الأول للخلع , تجنب غسل الأسنان المحيطة بالسن المخلوع . وابتداءا من اليوم الثاني يمكنك غسل كامل أسنانك ولكن برفق ( استعمل فرشاة أسنان تكون ناعمة ) .

11- إذا استمر النزيف أو ازداد الألم والأمر سوءا فتوجه نحو الطبيب
( يعني ماتستهزاش وتقول ضك نرتاح ) .

يلا كانو يعجبوكم مثل هاته المنشورات الطبية , فرايح ننشرها من حين لآخر

ربي يحفظكم <3
Dr Kerouche Khaled